Mayong: India ka Rahasyamayi Tantra Gaon
Assam ka chhota sa gaon Mayong, Bharat ka “Land of Black Magic” ke naam se mashhoor hai. Yahan tantra, mantra aur prachin jadoo-tona ki kahaniyan sadiyon se chalti aa rahi hain. Log kehte hain ki Mayong ke purane tantrik sirf mantra se logon ko theek kar dete the, khoe hue logon ka pata bata dete the, aur jangalo mein jaanwaron ko control kar lete the.
Aaj bhi Mayong mein tantra ek lok kala aur parampara ka hissa mana jata hai. Yahan ke log batate hain ki tantra ka mool uddeshya chikitsa, raksha aur dhyan tha, na ki kisi ko nuksan pahunchana. Mayong ka Prachin Museum abhi bhi purane granthon, yantron aur tantra saaman ko sambhal kar rakhta hai, jo is gaon ki rahasyamayi pehchaan ko aur gehra banata hai.
Mayong ek aisa jagah hai jahan prakriti ki shanti aur tantra ki kahaniyan milkar ek adbhut anubhav paida karti hain. Yahan ki lok-kathayein aur parampara aaj bhi duniya bhar ke travellers ko apni taraf khinchti hain.